Við viljum Samspillinguna burt

Nu er bara að biða og vona það besta. Það hefur verið politisk upplausn i landinu allt of lengi. Nu er malið að koma Samfylkinguni fra völdum og beina orku okkar að þeim malum sem skipta mali og losa þjoðina fra esb þrahyggjuni.

Styðja vantrausttillöguna

Óttast að sauðir úr sinni hjörð kunni að fylgja fordæmi Íslands

Elítu leiðtogar Evrópuveldisins óttast að sauðir úr sinni hjörð kunni að fylgja fordæmi Íslands. 

„Deilan þykir skapa það hættulega fordæmi að almenningur geti komist hjá skuldum,“

Já þeir eru smeykir við það að almenningur átti sig á að verið sé að leiða hann viljugan til slátrunar og láti ekki kúga ofan í sig skuldir elítunnar og rísi upp gegn áformum um ævarandi skuldaánauð sem vonlaust verður að rísa upp úr.

Til hamingju Ísland. Virðing almennings fyrir Íslendingum hefur aukist. Fjölmargar þjóðir standa í þakkarskuld við okkur fyrir að hafa hugrekki til þess að standa í lappirnar á móti bæði innlendum og erlendum lygaáróðri, þvingunum og innantómum hótunum.

Mæli með því að það verði sett í nýja stjórnaskrá að verði stjórnmálamenn uppvísir að lygum, þá verði þeim gert að taka pokann sinn. En það mun þó líklega ekki duga á núverandi ríkistjórn þar hún ber álíka mikla virðingu fyrir stjórnaskránni og klósettpappír. Það er erfitt fyrir þjóð og í raun hættulegt að vera með stjórnvald sem telur sig hafið yfir lögin í landinu.

Óttast fordæmi Íslands

Að þeir hinir sömu lifi í „blekkingu“

Spurður um það sjónarmið að þrotabú Landsbankans eigi að duga til að bæta Hollendingum og Bretum tjón vegna tapaðra innistæðna á Icesave-reikningnum svarar Eijffinger að þeir hinir sömu lifi í „blekkingu“.

 

Þar með er það þá komið á hreint af hverju þeir vilja ekki taka eignirnar upp í skuld. Hollendingar og Bretar eru greinilega vissir um það að eignirnar séu  ekki nálægt því að vera eins mikils virði og reynt hefur verið að telja Íslendingum trú um. Það var þá gott að við höfnuðum þessum ólögum því annars hefðum við setið uppi með margfalt hærri reikning heldur enn misvitrir spekingar hafa fullyrt. 

Hóta að standa í vegi aðildar að ESB

Nú á að kynna málstað Íslendinga

"Það er skylda okkar að ná þessum peningum til baka og við munum halda því áfram þar til það tekst"

  "Íslandi beri skylda til að borga peningana til baka"

Nú er eins gott að halda Jóhönnu frá sviðsljósinu þar sem hennar ásetningur virðist ávallt vera sá að tala niður málstað Íslands, það á reyndar við um fleiri sauði úr hennar hjörð.

Er það virkilega til of mikils ætlast að forsvarsmenn þjóðarinnar standi með þjóð sinni og tali máli hennar út á við? Er þetta fólk ekki í vinnu hjá okkur? 

Athygli heimsins er nú á okkur og við skulum bara vona að umheiminum verði gert grein fyrir því að Íslendingar ætli að standa við skuldbindingar sínar. En að það verði skilanefndir bankanna en ekki Íslenskur almenningur sem sjái um það.

Það er á ábyrgð stjórnvalda hvernig forsíðu stóru fjölmiðlana verður á næstu dögum. Ef fyrirsagnirnar verða þær að Íslendingar ætli ekki að borga þá er ríkisvaldið ekki að vinna sína vinnu. Hvernig væri nú að ríkistjórnin beindi áróðursmaskínum sínum og spunameisturum út á við í stað þess að eyða allri orkunni inn á við.

Vonsvikinn vegna Icesave

Þetta eru víst góðar fréttir

"Lárus hefur sagt að góðar líkur væru á að Icesave-samkomulagið myndi ekki kosta Íslendinga neitt þegar upp væri staðið, vegna þess að heimtur í þrotabú gamla Landsbankans færu sífellt batnandi."

Þegar gangur alheimsmála er skoðaður, þá blasir við annað efnahagshrun í heiminum. Í því ljósi má gera ráð fyrir að til lengri tíma þá muni eignarsafnið rýrna í verði og myndi það þar með knésetja efnahag þjóðarinnar ef ríkisábyrgð væri á þessum skuldum. Íslendingar gerðu rétt með því að segja nei.

Af hverju vilja Bretar og Hollendingar ekki bara hirða þessar eignir ef þær eru svona verðmætar? 

Af hverju skiptir svona miklu máli að setja Íslenska ríki í ábyrgð? Að setja auðlindir Íslands í veð... 

„Þetta eru ekki góðar fréttir“

Íslendingar sætta sig ekki við Fasisma

Hin íslenska þjóð hefur nú hafnað því að láta undan kúgunum og hótunum bæði innlendum og erlendum. Það er við hæfi að óska þjóðinni til hamingju með þann kjark og þrautseigju sem hún hefur sýnt. Þegar allt kemur til alls þá er það fordæmið sem Íslendingar eru hér að setja sem skiptir máli í stóra samhenginu. Fordæmið um að almenningur sætti sig ekki við að taka á sig skuldir gráðugra bankamanna.  Einkavæðing gróða og ríkisvæðing skulda er hluti af fasisma sem er að tröllríða öllu hér í heim. Almenningur um allan heim stendur nú í þakkarskuld við Íslenska þjóð.

Nú skiptir öllu máli að ríkisvaldið bregðist rétt við. Því miður er maður þó ekkert allt of bjartsýnn á að það fólk sem mest hefur talað á móti hagsmunum Íslands fari allt í einu að breyta þeim ósið sínum.Það skiptir miklu máli ríkisvaldið hefji nú pr-herferð þar sem staðreyndir mála eru settar fram. Það hefur þó virst vera stjórnvöldum ómögulegt verk allt frá hruni að tala máli Íslendinga á alþjóðavettvangi.

Hversu lengi ætla Íslendingar að líða vanhæfa stjórnmálamenn? Eigi vonarsól Íslands að rísa á ný svo Íslendingar geti gengið inn í farsæla framtíð, þá verður að hreinsa úr sölum alþingis í eitt skipti fyrir öll. Það verður að koma þar inn fólki sem hugsar um hag fólksins í landinu en ekki kröfuhafa og bankamanna sem vilja mergsjúga og eignast þjóðarbúið með húð og hári.

Vill þakka Nei-samtökunum fyrir að standa vörð um hagsmuni Íslands

Yfir 58% hafna Icesave-lögum

Vilji Samfylkingar

Vilji Samfylkingarinnar virðist alltaf ná fram að ganga hvort sem þar séu lög brotin eður ei. Maður er farinn að hallast að því að þessi flokkur sé hættulegur landi og þjóð.

Munu Íslendingar geta tekið mark á nýrri stjórnaskrá? Hópur fólks sem kosin er í ólöglegri kosningu samkvæmt úrskurði hæstaréttar er skipaður í stjórnlagaráð af ríkistjórn. Stjórn sem rígheldur í valdið, þrátt fyrir að vera margoft búinn að sýna vanhæfni sína til þess að stjórna landinu og hefur þess vegna ekki traust fólksins í landinu. Við völd er hópur fólks sem virðist túlka einræði sem lýðræði og hefur þetta fólk það markmið að breyta stjórnaskránni til þess að það teljist ekki landráð að framselja fullveldi þjóðarinnar til átrúnaðagoða sinna í Evrópuveldinu.

Í dag er ekki tíminn til þess að breyta stjórnaskrá landsins, það er verið að leika sér að eldinum. Hér eru bæði fjár og stjórnmál í ólestri og ástandið ekki til þess fallið að skynsamlegt sé að hræra í slíkum grunnstoðum sem stjórnaskráin er. 

Hvenær fyllist mælirinn hjá Íslensku þjóðinni? 

Stjórnlagaráð samþykkt

Spilltir og óþroskaðir valdhafar?

Atli segir að sífellt fleiri mál eigi bæði bein og óbein tengsl við ESB umsóknina, að það flæði tilskipanir yfir þingið. Að umsóknin sé í pólitísku öngstræti og að aðlögunarferli sem er í fullu gangi sé haldið frá þjóðinni.  Í rýnivinnu var Ísland spurt mikilvægra pólitískra spurninga sem þar sem svörum sjávarútvegsráðherra var hent og ný svör samin sem að þau telja algerlega óviðunandi. Svona vinnubrögð eiga ekki að fá að liðast. Í þingsályktunartillögunni stendur að við ætlum að tryggja grunnhagsmuni okkar sem ætti að þýða það að við myndum flagga þessum hagsmunum okkar í rýnivinnunni, en það hefur ekki verið gert. Í stað þess að nota orðalagið tryggja er sett inn orðið tilmæli, tilmæli til ESB

Það blasir nú við að óþroskaðir eiginhagsmunaseggir og trúblindir ESB sinnar sem voru við völd í efnahagshruninu ætli nú að framselja fullveldi okkar og þar með sjálfstæði þar sem við munum í framtíðinni aðeins verða eins og áhrifalaust útjaðarsfylki í Bandaríkjunum. Ferli í kringum innlimum Íslands inn í Evrópuveldið lyktar allt af skít. Það er ekki hægt að treysta Samspillingarmönnum til þess að semja fyrir íslands hönd í ESB. Fyrir utan það að umsókn íslands að ESB er ólöglegt plagghttp://hecademus.blog.is/blog/hecademus/entry/1115445/

Pólitíkusar sem nú sitja við völd lugu sig inn í ríkistjórn og sviku allt sem svíkja getur. Kosningaloforðið var að slá skjaldborg og vörð um heimilin en stefnan sem hefur verið mótuð er einungis til þess að verja fjármagnseigendur auk þess sem ríkistjórnin hefur slegið upp skjaldborg um sig sjálfa. Ríkistjórnin þ.e. Samspillingin og "aftaníossar" hennar eru ekkert annað en fjarstýrðir handbendlar landstjórans(IMF) sem hefur oft sýnt sitt sanna andlit, þar sem starfsemi þeirra felst ekki í því að aðstoða neinn nema bakhjarla sjóðsins og þeirra vildarvini. Þetta er valdastofnun sem safnar að sér valdi og beitir til þess óbeinum og beinum hótunum og kúgunum. Ísland er í dag hvorki fullvalda né sjálfráða og getum við þakkað það óhæfum stjórnmálamönnum sem fengu falleinkunn í skýrslu rannsóknarnefndar og hafa þeir því ekki rétt að stjórna landinu lengur þar sem þjóðin ber ekki traust til þeirra. 

Íslendingar verða að vakna af doðanum og sjá hversu ólýðræðisleg brellupólitík er stunduð í þessu landi. Þessu ástandi verðum við að breyta og getum við aðeins gert það með því að segja nei við því að skrifa undir Iceslave sakarplaggið sem verið er að reyna troða inn á okkur án laga og réttar. Í kjölfar þess eiga Íslendingar að segja upp Alþingi og koma þar inn nýju afli sem vinnur í þágu fólksins í landinu. Fólk er almennt ekki að sjá í hvaða forapytt þjóðarskútan stefnir. Það þarf alvöru byltingu á Íslandi og róttækar aðgerðir ef ekki á að stefna í óefni sem fáir geta gert sér í hugarlund. Við þurfum leiðtoga sem hugsa um heildina, hugsuði og hugsjónarfólk í stjórn en ekki sjálfhverfa sauði sem sem eru fastir í ævafornum fótsporum og virðast tilbúnir að gefa upp sjálfstæða hugsun til þess eins að fylgja risaeðlum fram af bjargsbrún.

Vilja ekki vinna í þessu umhverfi

Hvað eru þessi peð að ybba sig

Eigendur bankana og bankastjórarnir hugsa "Hvað eru þessi peð(Alþingi) að ybba sig, það erum við sem ráðum"

Ætli Íslandi sé stjórnað á bak við tjöldin af auðmafíu?

Bankastjórarnir mættu ekki

Plat í mat, plast í stað próteins

Eftir minni bestu vitund þá leyfa yfirvöld hér á landi yfir 3000 kemísk aukaefni í matvælum okkar. Þar á meðal plast(Melanín) rottueitur (Fluoride) og svo ekki sé talað um Aspartam sem er "gjöf mannvinarins" Dick Cheney til mannkynsins. Í Aspartam er til að mynda efni sem kallast tréspíri. efni er verulega eitrað fyrir taugakerfið og getur valdið blindu sjóntruflunum og hausverkjum, taugaverkjum, flogaköstum, þyngdaraukning, krabbameini, og geðrænum vandamálum. Þrátt fyrir það er efni notað í þúsundum vöruflokka.

E efnin telja á mörgum þúsundum, E stendur fyrir Evrópusambandið.

Það skal ekki undra að sæðismagn Vesturlandabúa fari minnkandi þar sem fólk er upp til hópa að troða sig út af eitruðum dauðum og næringarsnauðum matvælum.

Eftir að hafa tekið þó ekki nema nokkra tíma í að kynnast hinum skuggalegu hliðum matvælaiðnaðarins þá hefur mikil vakning orðið hjá manni. Menn mega ekki láta hvað sem er ofan í musteri anda síns. Það hefur afleiðingar til lengdar.

 Athyglisbrestur, minnisleysi og einbeitingarskortur eru nokkur dæmi um þá hljóðu faraldra sem geysa í heiminum í dag. Ætli matvæli eigi nokkurn þátt í þessum faröldrum?

Af hverju ætli verið sé að dæla þessum óþvera og óþurftarefnum í matvæli okkar? 

 

Sæðismagn fer minnkandi