Hið umdeilda Aspartam

Sætuefnið Aspartam er eitt af þessum umdeildu efnum, fyrir mér er þetta efni ekkert annað en ónáttúrulegt eitur sem ég forðast eins og ég get að láta inn í minn náttúrulega líkama.

Held að þetta efni hafi upphaflega verið lyf við magasári. Aukaverkanir á neyslu Aspartam eru m.a. skapgerðarbreytingar, minnistap, höfuðverkir, þreyta, almennur slappleiki ofl.

Ætli ástæða fyrirburafæðinga sé ekki sú að fóstrið reynir hvað það getur að komast út þar sem það kærir sig ekki um þessa ónáttúru.  

 

Annars er alveg ótrúlegt hversu mikið er sett af ónáttúrulegum og oft eitruðum efnum í mat nú til dags.  

 "E numbers are number codes for food additives that have been assessed for use within the European Union" http://en.wikipedia.org/wiki/E_number

Neysla á sykurlausu gosi eykur hættu á fyrirburafæðingum

Athugasemdir

[Hallur (IP-tala skráð) 15.7.2010 kl. 21:40]

Ég veit líka það er eitt fyrirtæki sem á einkarétt á aspartam og græðir tá og fingri á því.

[Jóhann (IP-tala skráð) 15.7.2010 kl. 22:17]

Hvaðan færðu þær upplýsingar að:

"Aukaverkanir á neyslu Aspartam eru m.a. skapgerðarbreytingar, minnistap, höfuðverkir, þreyta, almennur slappleiki ofl."

Ég hef drukkið gos með þessu efni mjög lengi og ég hreinlega kannast ekki við neitt af þessu.

Allt af þessu sem þú telur upp er eitthvað sem gerist bara í daglegu lífi. Þú gætir talið sömu aukaverkanir upp og sagt að þetta væri aukaverkanir við að vinna á leikskóla eða gjörsamlega hvað sem er...

Ekki trúa öllu sem skrifað er á netið eða sagt er um þetta efni. Því það eru engar sannanir fyrir neinu.

[Teitur Haraldsson, 15.7.2010 kl. 22:54]

Hvernig væri að koma tilvísun í rannsóknir sem sína skaðsemi aspartam.

[össur (IP-tala skráð) 15.7.2010 kl. 23:45]

http://www.youtube.com/watch?v=ErngurkB3J0

http://www.youtube.com/watch?v=kn5slnNB8h0&feature=related

http://www.youtube.com/watch?v=S8kgJfw699E&feature=related

[Teitur Haraldsson, 16.7.2010 kl. 00:39]

Því miður staðfestir 60 minutes að það eru engar afgerandi rannsóknir sem sanna að þetta sé hættulegt.

Og að halda fram að það sé búið að spilla matvælaeftirlitinu í bandaríkjunum er mjög tæp fullyrðing.
Í það minnsta tókst sígarettu fyrirtækjunum ekki að múta sér út, þá tekst aspartam framleiðandanum það EKKI.

[Hecademus, 16.7.2010 kl. 01:28]

Það er óneitanlega margt sem bendir til þess að Aspartam sé skaðlegt efni. Það er varla hægt að líta fram hjá því að eina efnið sem notað er í rottueitri sé Aspartam.

Auk þess staðfestir heilbrigð skynsemi fyrir okkur að Aspartam á ekki heima í líkama okkar. Aspartam er ónáttúrulegt efni, Líkaminn er náttúrulegt efni.

Verksmiðjuframleidd efni setjast á frumur okkar og skaða þær oft til langstíma sem leiðir til þess að fleiri frumur drepast.

Heilbrigð skynsemi segir okkur að ef vafi leikur á svona málum þá sé það skynsamlegra að nota aðrar vörur en þær sem innihalda Aspartam

[Marilyn, 16.7.2010 kl. 09:42]

Hecademus

með sömu rökum mætti þá halda því fram að skaðlaust væri að anda að sér koltvísýringi. Það er efni sem verður til í líkamanum, hlýtur því að vera náttúrulegt efni sem á heima í líkamanum. 

Þetta er ekki bara svart og hvítt. Ég held að til séu einstaklingar sem eru næmir fyrir aspartami og geti ekki neytt þess án þess að finna fyrir aukaverkunum. Þeir eru hinsvegar líka til sem geta það og finna ekki fyrir neinu. 

Það sama gildir um sykur, sumir geta ekki neytt hans án þess að verða fyrir skaða en aðrir finna ekki fyrir neinu. 

Aspartam er örugglega notað í rottueytur til að gera það bragðbetra fyrir rottugreyjin og taka burt eiturbragðið og afþví að það er ódýrara en sykur þá er það augljóst val. 

Ef einhver er með einhvern í vasanum þá eru það sjálfsagt sykurbændur í bandaríkjunum sem hafa fengið niðurgreiðslur á niðurgreiðslur ofan í fjölda ára til að pimpa út sykri/kornsírópi/sterkju ofan í grunlausann fjöldann svo allir eru orðnir háðir sætunni. Með tilkomu aspartams sjá þeir af gríðarlegum tekjum og reyna nú hvað þeir geta að sverta nafn efnisins.

Það vantar auk þess betri staðreyndir um þessa rannsókn. Þær tilvonandi mæður sem drukku sykurlaust gos, gerðu þær það vegna þess að þær voru í yfirvigt, megrun eða með sykursýki. Voru þær að drekka kólagos eða ekki og voru þá áhrif koffíns tekin með í myndina? Þetta eru þættir sem geta haft áhrif og verður að taka inn í myndina.

Það er ákveðinn hópur fólks sem velur sykurlaust gos af ýmsum ástæðum. Þessi gengdarlausi áróður gegn þeim og blammeringar sem þeir verða fyrir í sífellu fyrir sitt gosþamb er óþolandi. Lifum og leyfum öðrum að lifa. 

[Baðvörður (IP-tala skráð) 17.7.2010 kl. 01:37]

http://www.vald.org/greinar/040808.html

[Jóhannes H. Laxdal, 17.7.2010 kl. 16:30]

Shit ..  ertu að segja mér að Aspartame valdi heilakrabbameini..   shit,  þá ætti ég að vera með meiri heilakrabba en heila miðað við hvað ég neiti mikils magn af Aspartame á hverjum degi. 

Eins gott að ég fór í CAT-scan fyrir ári síðan (alls ótengdu heilakrabba) og það var ekkert óeðlilegt í kollinum mínum.