Um að gera að sleikja sólina

Það er varla hægt að kvarta yfir blíðunni á höfuðborgarsvæðinu síðustu dagana. Það er samt alveg magnað hvað sumir Íslendingar geta kvartað yfir því að aldrei sé sól og gott veður en þegar hún loksins kemur þá kvarta þeir hinir sömu yfir of miklum hita. Kannast ekki einhver við þetta?  

Leit loksins út í sólina í gær og endaði eins og ristaður karfi þegar ég leit í spegil eftir daginn. Nú er um að gera að grípa gæsina á meðan hún gefst og nota veðurblíðuna til þess að njóta náttúrunnar. Leit á dagatalið í fyrradag og áttaði mig á því hversu langt er liðið á þetta sumar. Það er greinilegt að tíminn sé afstæður þar sem hann virðist stundum hlaupa frá manni.

 

Léttskýjað og allt að 18°C á höfuðborgarsvæðinu