Umboðsmaður skuldara, leppur fjármálafyrirtækjanna?

Held að það sé nú verið að draga fleiri en Hagsmunasamtök heimilanna á asnaeyrunum.

 "umboðsmaður skuldara „er lítið annað en leppur fjármálafyrirtækjanna til að afklæða fólk síðustu spjörunum áður en það er leitt nakið í 3 til 5 ára þrælkun fyrir fjármálafyrirtækin."

Aðgerðir í þágu almennings virðast að stórum hluta vera sett fram til þess að sýnast og eru þær langt frá því að gagnast meirihluta skuldara. Aðgerðirnar koma manni þannig fyrir sjónir að hægt sé að líkja árangri þeirra við það að pissa í buxurnar til þess að halda á sér hita.

Það virðist hvorki vera vilji né kjarkur til þess að gera eitthvað róttækt. Róttækar aðgerðir eru það eina sem getur bjargað heimilunum í landinu. Á meðan stjórnvöld taka ákvarðanir þar sem fjármálaelítan er höfð ofar í forgangsröðuninni þá eiga skuldugir Íslendingar aðeins tvo raunhæfa valkosti.

Að flýja land eða rísa upp og berjast fyrir rétti sínum. Seinni kosturinn væri sá fýsilegi.

Ef stjórnvöld fara ekki að breyta til í forgangröðuninni og skipa sér í lið með almenning þá eru þau án efa að kalla yfir sig byltingu...

Hagsmunasamtökin dregin á asnaeyrunum

Athugasemdir

[Sigurjon (IP-tala skráð) 16.10.2010 kl. 16:22]

Hefur engin hugleitt að það eru ekki allir vitleysingar þó þeir séu ekki sammála manni? Niðurstaða fjölda manna og samtaka er að niðurfærsla lána sé ekki fær leið og fyrir því hafa þeir veigamikil rök. Það þýðir lítið að vera uppi með kjaft og engar lausnir. Hvernig á ríkið að ná endum saman er spurning sem enginn hefur svar við. Því miður. Það svar þarf að finn áður en öðrum spurningum er svarað.

[Hecademus, 16.10.2010 kl. 16:50]

Það er margt hægt að gera.Það er ekkert vandamál í þessum heimi það stórt að ekki sé hægt að stíga yfir það. En þegar fólk þorir ekki að taka stórar ákvarðanir þá gerist auðvitað ekki neitt nema það að við sökkvum dýpra í pyttinn.

Ríkistjórnin væri eflaust að gera eitthvað meira ef hún hefði kjark í sér til þess að standa í hárinu á hagsmunaaðilum sem þurfa sífellt að mata krókinn áður en hugsað er um heildina.

Af hverju vilja þeir t.d. ekki skattleggja séreignarlífeyri fyrirfram? Það myndi loka fjárlagagatinu að mestu leyti.

Sannleikurinn er sá að við áttum bara að fara í gjaldþrot þegar allt hrundi því þannig gátum við byrjað upp á nýtt. En það var ekki gert því stjórnmálamenn vildu bjarga andlitinu.

Í dag erum við að reyna púkka upp á útbrunnið fjármálakerfi með því að mála upp á nýtt. Ef húsið þitt brennur á er ekki nóg að mála það heldur þarf að taka það í gegn frá grunni. Ef ekki verða gerðar róttækar breytingar á fjármálakerfinu þá mun það verða til þess að draga Ísland í svaðið svo einfalt er það. Ástæðan fyrir því að enginn finnur svar við stóru spurningunni er einfaldlega sú að dæmið gengur ekki upp...