Þakka þér herra forseti

Nú hefur Ólafur aftur losað um hengingarólina. Nú er komið að því að þjóðin kjósi að losa sig við þessa hengingaról fyrir full og allt og sýna það við látum ekki óréttlæti kúganir og hótanir duga til þess að troða á afkomendur okkar fjárhagslegum klyfjum sem líkja má við skuldahlekki. Samningurinn eða öllu heldur sakarplaggið sem ríkistjórnin er tilbúinn að skrifa uppá til þess að komast inn í Evrópuveldið er risastórt veðmál sem þjóðin hefur ekki efni á að taka og ríkistjórnin ekki heimild til þess að samþykja.

 

SKULDIN ER EKKI OKKAR, ÍSLENDINGAR EIGA EKKI AÐ TAKA Á SIG SÖKINA OG SAMÞYKJA ÞAÐ AÐ GERAST BLÓRABÖGGLAR FYRIR GALLAÐ REGLUVERK ESB 

 

Það hlýtur að liggja augum uppi að ef og þegar þjóðin kýs að hafna því fasíska fyrirkomulagi að einkavæða gróða og ríkisvæða skuldir þá skal sjálfskipuð Norræna Vel(Hel)ferðastjórnin víkja með skottið á milli lappana og skammast sín fyrir undirlægjuhátt og úrræðaleysi. Athygli alþjóðasamfélagsins er á Íslandi og við höfum þeirri skyldu að gegna að sýna fordæmi og segja hingað og ekki lengra. Rétturinn er okkar megin og þannig getum við nýtt okkur samúð alþjóðasamfélagsins til þrýstings ef að það hefði einhver fyrir því að tala okkar máli á alþjóðavettvangi(fyrir utan forsetan)

 

Valdið er fólksins og íslendingar þurfa að fá til valda hugsandi fólk sem hefur víðsýn og kjark til þess að nýta sér til fulls alla þá valdapóla og vini sem við eigum í alþjóðasamfélaginu.  

PS. Vill þakka hópnum að baki Kjósum.is fyrir verk sitt í þágu þjóðarinnar 

Forsetinn staðfestir ekki