Nú á að kynna málstað Íslendinga

"Það er skylda okkar að ná þessum peningum til baka og við munum halda því áfram þar til það tekst"

  "Íslandi beri skylda til að borga peningana til baka"

Nú er eins gott að halda Jóhönnu frá sviðsljósinu þar sem hennar ásetningur virðist ávallt vera sá að tala niður málstað Íslands, það á reyndar við um fleiri sauði úr hennar hjörð.

Er það virkilega til of mikils ætlast að forsvarsmenn þjóðarinnar standi með þjóð sinni og tali máli hennar út á við? Er þetta fólk ekki í vinnu hjá okkur? 

Athygli heimsins er nú á okkur og við skulum bara vona að umheiminum verði gert grein fyrir því að Íslendingar ætli að standa við skuldbindingar sínar. En að það verði skilanefndir bankanna en ekki Íslenskur almenningur sem sjái um það.

Það er á ábyrgð stjórnvalda hvernig forsíðu stóru fjölmiðlana verður á næstu dögum. Ef fyrirsagnirnar verða þær að Íslendingar ætli ekki að borga þá er ríkisvaldið ekki að vinna sína vinnu. Hvernig væri nú að ríkistjórnin beindi áróðursmaskínum sínum og spunameisturum út á við í stað þess að eyða allri orkunni inn á við.

Vonsvikinn vegna Icesave

Athugasemdir

[Magnús Sigurðsson, 10.4.2011 kl. 10:49]

Setjum Ólaf Ragnar í málið, Jóhanna og co væri vís til að hefja málaferli vegna icesave við íslensku þjóðina þágu málstaðarins

[Haraldur Johannesson (IP-tala skráð) 10.4.2011 kl. 11:11]

Stjórnvöld þeirra þriggja landa sem eiga að þessu máli hafa ekki beint sýnt framm á að þau ætli að draga bakhjarlana í Icesave til ábyrgðar fyrir þeirra hlut í málunum, á þar sérstaklega við æðibunuganginn á að koma undan til annara fyrirtækja eins miklum peningum og hægt var á síðustu augnblikum áður en bönkunum var lokað. Venjulega þegar fyrirtæki verða gjaldþrota þá er eignunum skift og skuldir innheimtar og deilt á milli kröfuhafa áður enn það er gert nokkuð annað..... og af þessu leiðir enn meiri andstaða við að greiða Icesave.... látum stjórnvöld og dómstóla gera upp dæmið og þá er hægt að semja um eftirstöðvarnar. Ég þekki engan sem mundi skrifa upp á skuldaviðurkenningu sem er þannig orðuð að eigandi skuldarinnar getur gjaldfelt heila drallið eftir geðþótta og það án þess að vita hina raunverulegu upphæð.

[Ingibjörg Guðrún Magnúsdóttir, 10.4.2011 kl. 11:17]

Við verðum að fá nýja Ráðamenn það er forgangur núna...

Við getum ekki ætlast til þess að okkar málstaður verði tekin með þá Ráðamenn sem við erum með núna vegna þess að það hefur verið einlægur vilji þeirra að troða þessu á okkur bara vegna...

[Agla (IP-tala skráð) 10.4.2011 kl. 12:54]

Okkar málstaður í Icesave málinu verður engu bættur þó ætt yrði í kosningar, eða niður á Austurvöll  til að berja í  tómar tunnur.

Þetta Icesavemál er nú orðið að milliríkja dómstólamáli og þá er það ferill málsins sem skiptir máli en ekki hver situr í forsætisráðherrastólnum  þegar það verður tekið fyrir.

[Ingibjörg Guðrún Magnúsdóttir, 10.4.2011 kl. 14:07]

Agla vegna ákvarðanatöku Ríkisstjórnarinnar í þessu máli frá byrjun þá er þetta komið í þessa stöðu...

Þessi Ríkisstjórn er búin að bera þvílíka þvælu á borð fyrir okkur í þessu máli með vinnubrögðum sínum að henni er ekki stætt lengur...

Agla ef að Ríkisstjórnin hefði fengið að ráða þessu frá degi 1. þá værum við farin á hausinn sem þjóð...

Samningur 1 var alveg hræðilegur....

Traust verður að vera og það er ekki því miður....

[Agla, 10.4.2011 kl. 15:41]

Og hvað svo?

Kannski skiptir það ekki öllu máli hvaða "þvælu" þau bera á borð fyrir okkur kjósendur sína.

Við erum nú  einfaldlega í þeirri stöðu  að fram undan eru alþjóðleg málaferli.                                                                                                               Þér að segja, hélt ég að við værum  nú þegar komin á "hausinn sem þjóð" enda hefur stjórnin eins og eðlilegt er í lýðræðisríki ráðið ferðinni frá degi 1.með aðstoð þingsins eins og á að vera í lýðræðisríki?

Ekki satt?