Tilviljun?

"Talið er að sjór hafi seytlað inn í bátana þar sem þeim hefur ekkert verið sinnt í langan tíma og þeir á endanum sokkið." 

Seytlaði sjórinn kannski inn um eitthvað gat sem kom á þá um helgina?

Er það ekki svolítið svona "beyond chances" að tveir bátar sökkvi í sömu höfn á sömu helgi? 

Kannski bara tilviljun... 

Ef það er eitthvað sem lífið hefur kennt mér þá er það að það er ekki til neitt sem heitir tilviljun heldur aðeins afleiðing einhverra gjörða...

 

Tveir bátar sukku í Reykjavíkurhöfn

Aðdráttarafl Evrópuveldis

Fólki á Íslandi er talinn trú um að það búi í lýðræðisríki  

Þjóðin fékk ekki að kjósa um það hvort farið yrði í aðildarviðræður. Nú er umfangsmikið aðlögunarferli hafið til þess að móta okkur að regluverki Evrópuveldisins. 

Þegar búið er að leggja samningana fram þá verður haldin þjóðaratkvæðagreiðsla, sú þjóðaratkvæðagreiðsla verður aðeins ráðgefandi. M.ö.o ríkisvaldið þarf ekki að hlusta á lýðinn í landinu.

 

Það lítur allt út fyrir að við séum á leið inn í Evrópuveldið þrátt fyrir að meirihluti þjóðarinnar sé því mótfallin. Við erum á hnjánum í dag og þeir sem stjórna landinu virðast ætla að bera okkur fram á silfurbakka... Það er skítafýla af þessu, þetta lyktar allt af Samspillingu.

 

EU einræði eða lýðræði?

 

Formlegar viðræður að hefjast

Hvenær hrynja Bandaríkin?

Já hvernig endar þetta. Bandaríkin eru tæknilega gjaldþrota en samt geta þeir haldið úti stríðum og tekið yfir fallna banka.Einhvern tíman hlýtur þeirra bóla að springa...

Þeir geta varla prentað endalaust... 

 

Hundrað bankar fallnir

Þeir sem áttu raunverulega fjármuni fljúga enn

Íslendingar sjást þar ekki lengur á einkaþotum en „þeir sem áttu raunverulega fjármuni fljúga enn eins og ekkert hafi í skorist,“

Þessir hringrásarvíkingar áttu aldrei neina peninga, þeir áttu bara svo góða vini að þeir fengu þá að láni og létu svo eins og kóngar á meðan blaðran blés upp. Svo sprakk blaðran og peningarnir hurfu, en eftir sátu skuldirnar. Þeim tókst sem betur fer að einkavæða skuldirnar og ríkisvæða gróðann...

Þetta voru bara og eru gúmmítöffarar 

 

Breytt umhverfi á Reykjavíkurflugvelli

Fyrsta hvíta barn Ameríku

Þorfinnur Karlsefni er upprunalega úr Skagafirðinum eins og svo margir merkir Íslendingar.

 

Rétt eftir að kirkjan hafði hreiðrað um sig á Íslandi þá ákvað hann að gerast landkönnuður og nam hann land á Vínlandi í kringum 1010. Helstu heimildir um hann eru Grænlendinga saga og Eiríks saga rauða.

 

Þorfinnur og Guðríður kona hans eignuðust það sem talið er vera fyrsta hvíta barnið sem fæddist í Ameríku. Geri aðrir betur  

Kanna meintar Íslendingaslóðir

Fljúgandi sjúkrabílar

Það vita allir að útkallatíðni rokkar upp og niður eftir tilviljunarkenndum atburðarrásum. Stundum rís línan hátt og stundum lágt. Hvað ætlum við að gera þegar eitthvað stórt kemur upp á? Bíða og vona að Danir séu nálægt til að redda okkur?

Þetta er engan veginn ásættanlegt að geta ekki sinnt okkar eigin fólki sem er í nauð og þarf á þessari þjónustu að halda. Væri ekki nær að selja þessa líka rándýru flugvél sem við höfum hvort eð er ekki efni á að nota(sjálf) og hlúa betur af fljúgandi sjúkrabílunum?

 

Danski herinn þurfti að bjarga Gæslunni

Léttir undir Icesave

Flottar fréttir, hvað ætli þetta séu háar tölur sem þara um ræðir? 

Þetta ætti þá eitthvað að létta undir Iceslave klyfjunum sem ríkisvaldið tók á sig án dóms og laga...

 

Fólkið fær sparifé sitt til baka

Erum við ekki í kappi við tímann?

Þessi pressa sem nú er kominn á stjórnarsamstarfið á aðeins eftir að aukast þegar á líður.

Er iðnaðarráðherra ekki búinn að segja það skýrt að þessum samningum verði ekki rift að hálfu ríkisins?

En hvernig er þetta, ef það á að ógilda þennan samning verður það þá ekki að gerast fyrr en seinna? Erum við ekki í kappi við tíman? 

Styðja ekki ríkisstjórnina

Sorglegur endir á göngu til heiðurs ástarinnar

 Þessi hörmulegi atburður á eflaust eftir að marka spor í þjóðarsál Þjóðverja.

Það er þó leitt að þetta hafi orðið til endaloka Ástargöngunnar. 

Ef við reynum að finna ljós í myrkrinu þá dó þetta fólk í göngu til heiðurs ástar, það gæti verið verra.

Held að það sem heimurinn þurfi séu fleiri ástargöngur en ekki færri... 

 

 

Heimild fyrir 250.000 manns

Wikileaks vinnur ómetanlegt starf

"Í yfirlýsingu frá James Jones, þjóðaröryggisráðgjafa Bandaríkjanna, segir að Bandaríkin fordæmi að einstaklingar og stofnanir hafi birt leyniskjöl" Þar sem Mbl birtir linka á þessi skjöl, falla þau þá undir fordæminguna?

Annars er Wikileaks miðill sem vinnur ómetanlegt starf í þessum heimi. Leynimakk og ritskoðun er krabbamein sem heimurinn þarf að losna við.

Það þarf bæði þor hugsjón og lýðræðisást til þess að leggja út í það ævintýri sem aðstandendur þessa miðils hafa lagt að fótum sér. Ætli það megi ekki segja þeir séu einhver útgáfa af "nútíma píslarvottum". Það er klárt að þessir menn eru tilbúnir að deyja fyrir málstaðinn.

Hvernig fór annars með þessa tillögu þeirra að gera Ísland að griðastaður frjálsrar fjölmiðlunar?

Hugsa að sú tillaga væri stórt skref inn jákvæða atburðarrás...

En hún hefur líklega ekki fengið hljómgrunn á þingi...

Bandaríkin fordæma birtingu leyniskjala