Fjármálakennslu í grunnskóla

"Um 10% umsækjenda nefna vankunnáttu í fjármálum sem ástæðu greiðsluerfiðleika sinna." 

Ef allt væri eins og það ætti að vera þá myndu börn og unglingar hljóta grunnmenntun á sviði fjármála í menntakerfinu. Það hlýtur að vera eðlileg krafa í nútíma samfélagi að menntakerfið hlaði inn þekkingu á fjármálum í börn. Ef allt væri eðlilegt þá myndi ríkið veita fólki forvörn gegn vaxta og skuldaþrældóm. 

Það er bara þannig að ef hvorki foreldar né menntakerfið kennir börnum hvernig haga eigi sér í fjármálum, þá eiga börnin í mikilli hættu á að vaxa upp í "fjárlegri fáfræði". 

 

Hvernig sem á þetta er litið þá getur það varla verið skaðlegt til langtíma að kenna fólki hvernig það eigi að fara með peninga og lesa inn í helstu fræðin. Það er alveg ótrúlegt hvað fólk getur stundum verið fáfrótt um þýðingu hinna algengu frasa á borð við verðtryggingu, verðbólgu, stýrivexti, o.s.f.r.

 

Yfir 1.600 umsóknir bárust

Athugasemdir

[Vendetta, 1.7.2010 kl. 15:52]

Já, þá er hægt að kenna krökkunum, að fjármála- og bankakerfinu er haldið uppi af skuldum. Peningar = Skuldir. Engar skuldir => Engir peningar.

Þetta var sýnt í fræðslumynd, sem einhver setti á bloggið sitt. Þó er ekki öruggt að ung grunnskólabörn myndu alveg ná samhenginu. En örugglega nemendur á unglingastigi.

[Vendetta, 1.7.2010 kl. 15:56]

Annars er þetta góð og þörf hugmynd. Fyrir margt ungt fólk, sem verður fjárráða er kerfið eins og frumskógur. Sumir fá að halda í hendina á mömmu eða pabba eitthvað áleiðis, en aðrir lenda i klónum á bönkum og fjársvikurum.

[Aron (IP-tala skráð) 1.7.2010 kl. 16:34]

Mikið til í þessu, ég legg til að lagt verði niður Lífsleikni, eða jafnvel breytt bara í kennslu á fjarmálum, og t.d. hinum ýmsu samningum sem þau munu þurfa að kljást við. Einnig skattamál og því um líkt.

[Vendetta, 1.7.2010 kl. 17:04]

Fyrir nokkrum árum (2003, að ég held) var viðtal við einn bankastarfsmann í útvarpinu sem lagði það til að þeir (bankastarfsmennirnir) yrðu fengnir til að taka að sér kennsluna í lífsleikni í grunnskólum til að upplýsa um starfssemi bankanna osfrv. Ég hugsaði með mér þegar ég heyrði hann tala að það yrði eins og að hleypa úthungruðum úlfum inn í sauðahjörð.

[Hecademus, 2.7.2010 kl. 03:03]

Það sem gera þarf er að einfalda og auðvelda aðgengi að þessari grunn þekkingu sem allir þurfa að hafa. Það ætti varla að vera mikil vinna...