Fjármálafyllerí og fjárhættuspil auðmanna

Ef við og börnin okkar verðum látinn bera þessar klyfjar þá er voðinn vís, það eitt er víst. Stjórnmálamenn eru að bjóða heim fátækt, eymd og þjóðargjaldþroti.

Íslendingum ber ekki skylda til þess að borga skuldir einkabanka.

Ríkisvaldið á ekki að vinna fyrir auðvaldið og bera ábyrgð á þeirra fjármálafylleríi og fjárhættuspili.

Þeir eru með því að bjóða hættunni heim.

Að taka þátt í svikamyllu sem felst í að einkavæða gróða og ríkisvæða skuldir er eitthvað sem Íslendingar mega ekki líða.

 

Skriður kominn á Icesave

Ef ég skyldi ráða mér skipstjóra

Ef ég skyldi ráða mér skipstjóra til þess að sigla með mig og stórfjölskylduna Suður á bóginn, en skipstjórinn er sífellt við það að sigla fallegu snekkjunni minni í strand. Hann fer inn á slóðir sjóræningja og reynir í sífellu að snúa við og sigla til Evrópu því hann langar svo mikið að hitta vini sína í sértrúarsöfnuðinum sínum.

Ef þetta væri raunin þá myndi ég henda honum út í næstu höfn og ráða mér nýjan skipstjóra.

Ef einungis 9% af þjóðinni treystir ríkistjórninni til þess að stýra þjóðarskútunni þá á hún að ráða sér nýja stjórn. Ef skipstjórinn neitar að fara af brúnni þá er aðeins eitt í stöðunni.

Hvað gera skipverjar sem treysta ekki lengur skipstjóra sínum?

Einungis 9% bera mikið traust til Alþingis

Að skjóta sig í fótinn

Augljóslega er maðurinn að setja þennan gjörning fram í gríni.

Ætli grín á kostnað valdamanna verði bannað í náinni framtíð? 

Er þetta lið að fara á taugum? 

Það er ágætt að þetta skuli birtast í fjölmiðlum,

því svona aðgerðir munu bara æsa fólk upp.

Yfirheyrður vegna Facebookfærslu

Tíminn líður

Hann líður, og hann líður...

 

Hvað skyldi vera langt í að næsta bóla springi? 

Bankar hrynja í verði vestanhafs

Forgangsröðun

Ögmundur. Hugsa að það hafi allir ágætis skilning á því að lítið sé til ráðstöfunar í ríkissjóð. Fólk virðist hinsvegar ekki hafa skilning á því hvernig kosnir fulltrúar almennings forgangsraða því fé sem við eigum til ráðstöfunar. 

Séu þingmenn að vinna fyrir almenning þá eiga þeir síðast að fara með hnífinn á mennta og heilbrigðiskerfi þjóðarinnar. Þannig forgangsröðun ber vott um skammtímahugsun og slæma samfélagsstjórnun.

En þannig er það víst í dag og því kyngja Íslendingar að láta landstjórann segja kosnum fulltrúum sínum fyrir verkum...

Ögmundur: Allir þurfa að hafa skilning á stöðu ríkissjóðs

Leyfum smáræktanir í heimahúsum

Hvernig væri nú að leyfa ræktun kannabis og takmarka fjölda plantna á 2-3 stk. Það hefur reynst vel á Spáni og í fleiri löndum. Það myndu fylgja því margir góðir kostir.

Það myndi Spara fé í löggæslu. Sparar tíma og mannafla í löggæslu. Minkar eftirspurn á almennum markaði. Sker á stærstu hagnaðarleiðir skipulagðra glæpasamtaka. Sparar hinum almenna notanda pening og fyrirhöfn.

Svo eru margar góðar ástæðúr fyrir því að fólk ætti að hafa litlar ræktanir heima hjá sér. Hreinna loft, rakara loft. Meira súrefni. Og svo ekki sé talað um góð áhrif ljósanna á skammdegisþunglyndi þjóðarinnar 

 

Argasta hræsni

 

10 mánaða fangelsi fyrir kannabisræktun

Hversdagshetjur

Hvar væri Ísland statt ef ekki væru hér á landi hversdagshetjur eins og þær sem þarna berja tunnur? Fólk sem þorir að mæta á fámenn mótmæli og láta í sér heyra til þess að mótmæla óréttlæti og oki. Þetta fólk er að vinna óeigingjarna vinnu í þágu fjöldans. Hvernig væri nú að rísa upp og standa þeim við hlið. 

 

Ég segi að fólkið við tunnurnar fái hrós dagsins. 

Tunnur barðar við Stjórnarráðið

Argasta hræsni

Að banna hamp er í besta falli fáfræði og því versta er það argasta hræsni á meðan ríkið leyfir fíkniefni á borð við áfengi og tóbak.

Að banna hamp sem er einhver mesta nytjajurt þessa heims er ekki bara léleg samfélagsleg stjórnun heldur má beinlínis segja að um mannréttindabrot sé að ræða. Jurtin er ekki bara notuð af fólki við hinum ýmsu sjúkdómum heldur hefur hún verið notuð í frá upphafi alda í þeim tilgangi að ná tengingu við æðri máttár öfl.

Upphaflega var Hampur bannaður í Ameríku eftir að þeir sáu fram á að áfengis bannið héldi ekki. Rökleysan sem federal stjórnin í Usa notaði fyrir banninu var eitthvað á þá veginn að mexíkanar og svertingjar yrðu geðveikir og létu ekki hvítar konur í friði. Einnig var bannið sett fram vegna mikils þrýstings iðnfyrirtækjum sem voru í samkeppni við hampinn

Síðan þá hafa rangfærslur og áróður um þessa nytjajurt haft yfir allri heilbrigðri skynsemi. Fólk kokgleypir skoðanir og viðhorf sem byggð eru á fáfræði og blekkingum.

Svo maður vitni í Richard Nixon sem sá fyrir því að jurtin yrði bönnuð á sínum tíma "Við getum ekki haft það að fólk sé að nota þessa jurt, fólk safnast saman og það hugsar. Það getum við ekki liðið" (ekki orðrétt quote en það var í þessa áttina) þetta var á þeim tíma sem Víetnam stríðsglæpurinn stóð yfir og fólk(aðallega reykjandi hippar sem sáu í gegnum vitleysuna) söfnuðust saman og mótmæltu. Þetta að banna hampinn var hin besta leið til þess að loka þá inni.

Bara svo fólk geri sér grein fyrir því að úr hampjurtinni er hægt að framleiða yfir 200 þúsund mismunandi vörutegundir. Hvernig væri nú ef Ísland tæki frumkvæði í því að rækta hamp í massavís. Þeir voru nú að gera einhverjar tilraunir á tveim til þremur bæjum hér á landi í sumar.

Fyrsti maðurinn sem kom með hamp til Íslands var Leifur nokkur Eiríksson maðurinn sem kastaði öndvegissúlunum hjá Reykjavík að ósk goðana.

Það var árið 1972 sem Ísland lét undan þrýstingi að banna þessa nytjajurt. Það var eftir þrýsting Sameinuðu þjóðanna sem voru undir miklum þrýsting frá federal stjórninni í Bandaríkjunum... 

Löginn á móti hampi er byggð á blekkingum og þeim ber því að hnekkja. Þetta eru fölsk lög sett fram að geðþótta og eiginhagsmunasemi. Hvernig væri nú að hann Ögmundur tæki sig til og frelsaði Íslendinga undan þessu oki svo ríkið gæti nú farið að skattleggja gersemina öllum til hagnaðar. Hver hagnast af því að eyða tíma og peningum í að eldast við vandamál sem getur verið lausn. Að fífla lögregluna og láta hana eltast við skottið á sér.

Vill lögleyfa kannabis

Yfirklór og sýndarskapur

Ögmundur róir ekki í sömu átt og ríkistjórnin. Ögmundur er maður fólksins og hann fylgir sannfæringu sinni. Hann lætur ekki segja sér hvað hann á að hugsa og gera eins og margir þingmenn ríkistjórnarinnar. Ríkistjórnin virðist vera uppfull af huglausum gungum sem geta ekki staðið á eigin fótum.

Það liggur nokkuð ljóst fyrir að þessir fundir eru aðeins yfirklór og sýndarskapur til þess að róa almenning sem nú fer vonandi að rísa upp á afturlappirnar til þess að mótmæla þessari vitleysu sem hefur fengið að viðgangast allt of lengi. Þessari ríkistjórn verður að koma frá. Íslendingar hafa ekki efni á að hafa við völd stjórnvöld sem róa í ranga átt.

Hvernig væri nú að henda þessu flokksdrasli á haugana? Sía út sorpið sem stendur í vegi fyrir framförum og raða niður í stjórn fólki sem vinnur raunverulega fyrir lýðinn í landinu, en ekki auðvaldið sem hér tröllreið Íslensku samfélagi.

Hvernig væri ef Íslendingar myndu nú segja hingað og ekki lengra.

Nú tökum við stjórn á landinu á ný.

Við viljum lýðræði en ekki flokksræði. 

„Fundirnir tímasóun“

Hlustum á þetta fólk

Hér er um að ræða hóp af fólki sem hefur bæði hug og hjarta á réttum stað.

Þessu fólki er treystandi, það eitt er víst.

Guðmundur Ásgeirsson sem er í stjórn Samtaka fullveldissinna veit hvað hann syngur.

Ég spái að Samtök fullveldissinna verði hástökkvarar í næstu kosningum. 

Vona að fólk kynni sér þeirra málstað áður en það gengur að kjörkassanum því við þurfum lífsnauðsynlega að fá fólk til valda sem hefur bæði hug og harta á réttum stað.

Við skulum bara vona að núverandi ríkistjórn sem gjörsamlega er rúinn trausti virði lýðræðislegt kall Íslensku þjóðarinnar og boði til kosninga fyrr en seinna. 

http://www.fullvalda.is/

 

 

Vilja vaxtalausa peningaútgáfu